شاندێكی مامۆستایانی سەلاحەدین سەردانی یەكێتی مامۆستایان دەكات

ئەمڕۆ یەكشەممە رێكەوتی ٢٦-١-٢٠٢٥ لە مەكتەبی سكرتاریەتی یەكێتی مامۆستایانی كوردستان پێشوازی كرا لە بەرێز نجم عبدالله نەقیبی سەندیكای مامۆستایانی عێراق/ لقی سەلاحەدین و شاندی یاوەری كە پێكهاتبوون لە نوێنەرانی هەردوو كەرتی سامەراو بەلەد.

لەمیانەی دانیشتنێكدا مامۆستا ئەحمەد گەرمیانی سەرۆكی یەكێتی مامۆستایانی كوردستان وێرای بەخێرهاتنی شاندی میوان، باسی لە رەوشی پەروەردەو خوێندن كرد لە هەرێمی كوردستان.

مەبەست لەم سەردانەیان گفتوگۆكردن بوو لەسەر بابەتێكی پەروەردەیی و هەروەها جەخت لەسەر پەیوەندی نێوان هەردولا كرایەوە بەتایبەت ئەنجامدانی كاری هاوبەش لەنێوان هەردوولادا.