top of page

پەیامی یەكێتی مامۆستایان لە ساڵیادی جینۆسایدكردنی کوردانی فەیلی

یەكێتی مامۆستایانی كوردستان لە (٤٤)ەمین ساڵیادی جینۆسایكردنی كوردانی فەیلی پەیامێك بڵاودەكاتەوە.

ئەمڕۆ (٤٤)ەمین ساڵیادی جینۆسایدكردنی كوردانی فەیلییە، كە لەشاڵاوێكی دوژمنكارانە لەلایەن رژێمی بەعسەوە دژ بە خوشك و برایانی كوردی فەیلی ئەنجامدرا، كە بەهۆیەوە دووچاری گرتن و كوشتن و بێسەروشوێن كردن و هەروەها لێسەندنەوەی ناسنامە بوونەوە.

جینۆسایدكردنی كوردانی فەیلی، تاوانێكی گەورەو لەبیر نەكراوە و بەشێكە لەو تاوانەی كە بۆ سڕینەوەی گەلی كوردستان ئەنجامدراوە، هەموو ساڵێك لەم یادە رووی بەرپرسیارێتی و ئەخلاقی دەخرێتە ئەستۆی حكومەتی عێراق كە بەشێوەیەكی شایستە قەرەبووی كوردانی فەیلی بكاتەوە.

بەم بۆنەیەوە یەكێتی مامۆستایانی كوردستان، سەری رێزو نەوازش بۆ گیانی پاكی شەهیدان و قوربانیانی كوردانی فەیلی دادەنوێنێت.

یەكێتی مامۆستایانی كوردستان

مەكتەبی سكرتاریەت

٤-٤-٢٠٢٤


Kommentare


bottom of page