ئەنقەرە.. سەرۆكی یەكێتی مامۆستایان باس لە زیرەكی دەستكرد دەكات

لە ئەنقەرەی پایتەختی تورکیا، لوتکەی سەندیکاکانی عەرەبی بەڕێوەچوو لەمیانەی ئەو لوتكە گرنگەدا مامۆستا ئەحمەد سابیر گەرمیانی (سەرۆکی یەکێتی مامۆستایانی کوردستان) بابەتێكی بەنرخی پێشکەش کرد بە ناونیشانی "کاریگەری زیرەکی دەستکرد لەسەر مامۆستایان و یەکتربڕینی گۆڕانکاری دیجیتاڵی و یەکسانی لە پەروەردەدا."

هەروەها سەرۆكی یەكێتی مامۆستایان دیدگایەکی داهاتووی خستەڕوو سەبارەت بە ڕۆڵی سەرەکی مامۆستایان لە ژێر ڕۆشنایی ئەم گۆڕانکاریانەدا. ئەو جەختی لەسەر گرنگی دابینکردنی سەرچاوە و پشتیوانی پێویست بۆ مامۆستایان کردەوە، بە مەبەستی دەستەبەرکردنی دادپەروەری و یەکسانی لە دەستڕاگەیشتن بە پەروەردەی دیجیتاڵی.

ئەم کۆڕە گرنگییەکی تایبەتی هەبوو لە ڕووی:

• هەڵسەنگاندنی کاریگەریی تەکنەلۆژیا نوێیەکان لەسەر پەروەردە.

• دیاریکردنی ئاستەنگەکانی بەردەم مامۆستایان لە سەردەمی دیجیتاڵدا.

• دۆزینەوەی ڕێگاچارە بۆ بەرەوپێشبردنی تواناکانی مامۆستایان.

• دڵنیابوون لە یەکسانی لە دەستڕاگەیشتن بە پەروەردەی دیجیتاڵی.

بەم شێوەیە، کۆڕەکە هەنگاوێکی گرنگ بوو بەرەو تێگەیشتن و ئامادەبوون بۆ داهاتووی پەروەردە لە سەردەمی زیرەکی دەستکرد و گۆڕانکاریی دیجیتاڵیدا.

جێگەی باسە هەر لەمیانەی ئەو پانێلەدا چەند خاڵێکی گرنگی لەخۆگرتبوو لەوانە:

١. شیکارییەکی گشتگیر سەبارەت بە کاریگەریی زیرەکی دەستکرد لەسەر پیشەی وانەوتنەوە.

٢. تیشک خستنە سەر کاریگەریی تەکنەلۆژیا پێشکەوتووەکان لەسەر ئەدای مامۆستایان و داهاتووی پەروەردە.

٣. باسکردنی ئاستەنگەکانی بەردەم مامۆستایان لە ژێر ڕۆشنایی گۆڕانکاری خێرای دیجیتاڵی.

٤. شیکردنەوەی چۆنیەتی بەشداریکردنی ئەم گۆڕانکاریانە لە گەیشتن بە یەکسانی لە پەروەردەدا.

٥. جەختکردنەوە لەسەر پێویستی ئامادەکردنی مامۆستایان و پەرەپێدانی تواناکانیان.