بەدواداچوون بۆ یاداشتی سەرپەرشتیارانی یەدەگ

ئەمڕۆ سێشەممە ١٨/٣/٢٠٢٥ مامۆستا ئەحمەد گەرمیانی سەرۆکی یەکێتی مامۆستایانی کوردستان بۆ پرسی یاداشتی سەرپەرشتیارانی یەدەگ سەردانی بەڕێز مامۆستا بکر کریم، ڕاوێژکاری وەزارەتی پەروەردە کرد کە بەڕێوەبەرایەتی گشتی سەرپەرشتیاری و دڵنیایی جۆری بە وەکالەت بەڕێوە دەبات.

مەبەستی سەردانەکە گەیاندنی یاداشتی سەرپەرشتیارانی یەدەگ و لە کۆبوونەوەکەدا پشتگیری خۆمان دەربڕی بۆ پڕکردنەوەی بۆشایی لە کاری سەرپەرشتیاری، بە تایبەتی دوای خانەنشینی سێ موالید.

ئەم هەنگاوە گرنگە بۆ بەردەوامی لە باشترکردنی پرۆسەی پەروەردەیی و دڵنیایی جۆری لە سیستەمی قوتابخانە و خوێندنەکانماندا.