سەرۆکی یەکێتی مامۆستایان پیرۆزبایی هاتنی مانگی ڕەمەزان دەکات

بە ناوی خودای گەورە و میهرەبان

بەڕێزان مامۆستایانی خۆشەویست

خوشک و برایانی موسڵمان

خەڵکی کوردستان و عێراق

بە بۆنەی هاتنی مانگی ڕەمەزانی پیرۆز، مانگی بەرەکەت و ڕەحمەت و لێخۆشبوون، گەرمترین پیرۆزبایی خۆم و یەکێتی مامۆستایانی کوردستان پێشکەش بە هەموو مامۆستایان، خوێندکاران، خەڵکی کوردستان و هەموو موسڵمانانی جیهان دەکەین.

هیوادارین ئەم مانگە پیرۆزە بەرەکەت و خێر بۆ هەمووان بە دیاری بهێنێت و ببێتە مایەی ئاشتی و سەقامگیری و پێکەوەژیان لە نێوان گەلانی ناوچەکە و جیهاندا.

خوای گەورە ڕۆژووەکانتان لێ قبووڵ بکات و نوێژ و پاڕانەوەکانتان بگاتە ئاستی قبووڵکردن. هیوادارم لەم مانگە پیرۆزەدا خەڵکانی هەژار و کەمدەرامەت لەبیر نەکەن و دەستی یارمەتی بۆ هەموو پێویستییەکان درێژ بکەن.

برایانی ئازیز و خوشکانی بەڕێز، وەرن با لەم مانگە پیرۆزەدا پەیامی خۆشەویستی و لێبوردەیی و یەکتر قبووڵکردن بڵاو بکەینەوە و ڕێز لە یەکتر بگرین و ببینە نموونەی ئاشتی و تەبایی.

پیرۆز بێت مانگی ڕەمەزان لە هەموان.

**ئەحمەد صابر**

**سەرۆکی یەکێتی مامۆستایانی کوردستان**