هەولێڕ.. بەرێوەچوونی سیمیناری گۆرانكاری لەپەروەردەدا

ئەمرۆ چوار شەممە رێكەوتی ٢٤-٩-٢٠٢٥ لە هۆلی مەكتەبی سكرتاریەتی یەكێتی مامۆستایانی كوردستان، سیمینارێك بۆ بەرێز (تۆنی دیفاین) جێگری سەرۆكی رێكخراوی ئاشتی جیهانی بەرێوەچوو.

كەتیایدا ژمارەیەك لە سەرپەرشتیاران و مامۆستایان و بەرێوەبەران ئامادەی ئەم سیمینارە بوون، كە تیایدا جەخت كرایەوە لەسەر دوایین گۆرانكارییەكانی بواری پەروەردە لە جیهاندا.

تۆنی دیفاین، جێگری سەرۆكی رێكخراوی ئاشتی جیهانی لەهەمانكاتدا بەرێوەبەری پرۆگرامی گۆرانكاری لەپەروەردەیە، ماوەیەكە لە كوردستانەو دەیەوێ ئەم پرۆگرامە لە بواری پەروەردە لە هەرێمی كوردستان جێبەجێ بكات. بۆ ئەم مەبەستە یەكێتی مامۆستایانی كوردستان هەماهەنگارە لەگەڵ رێكخراوی ناوبراو بۆ ئەوەی ئەم پرۆژەیە بە پەروەردەكارانی كوردستان بناسێنێت و سوود لەدواین گۆرانكارییەكانی بواری پەروەردە وەربگرین.

جێگەی باسە دوای پێشكەش كردنی ئەم سیمینارە، ئامادەبووان راووسەرنجی خۆیان خستەڕوو دواتر لەلایەن بەرێز تۆنی دیفاین وەڵامیان درایەوە.