گرێبه‌ستی نێوان یه‌كێتی مامۆستایان و بانكی FIB كه‌وته‌ بواری جێبه‌جێكردنه‌وه‌

"مامۆستایان ئێستا ده‌توانن به‌ نرخێكی هه‌رزان ببنه‌ خاوه‌نی کارتی ISIC" - دوای ئه‌وه‌ی یه‌كێتی مامۆستایانی كوردستان گرێبه‌ستێكی له‌گه‌ڵ بانكی یه‌كه‌می عێراق FIB واژووكرد، ئێستاكه‌ مامۆستایان ده‌توانن سوود له‌م ئۆڤه‌ره‌ وه‌ربگرن بۆ ده‌رهێنانی كارتی ISIC تایبه‌ت به‌ مامۆستایان. دوای ئه‌وه‌ی بانكی FIB كۆمه‌ڵێ ئاسانكاری بۆ به‌شداربووانی كردو له‌سه‌ر داوای یه‌كێتی مامۆستایانی كوردستان ئێستا مامۆستایان ده‌توانن سوودمه‌ند بن له‌ خزمه‌تگوزارییه‌كانی بانكی (کارتی ISIC بۆ مامۆستایان) به‌ نرخی ته‌نها (11) هه‌زار و (250) دینار. ئه‌م داشكانه‌ ته‌نها بۆ مامۆستایانه‌ و له‌رۆژی یه‌كشه‌ممه‌ به‌رواری 3-12-2023 ه‌وه‌ ده‌توانن مامه‌ڵه‌ی ده‌رهێنانی ئه‌م كارته‌ بكه‌ن. مامۆستایانی خۆشه‌ویست ده‌توانن ئه‌م كارته‌ بۆ سه‌فه‌رو فرۆكه‌خانه‌و ماركێته‌كان و فرۆشگه‌ ئه‌لیكترۆنییه‌كان و زۆر شوێنی دیكه‌ به‌كاربهێنیت هه‌روه‌ها وه‌كو ناسنامه‌یه‌كیش وایه‌ بۆ مامۆستایان. بۆ زانین تێچووی دروستکردنی کارتی بانکی FIB بۆ خەڵکی ئاسایی لە ئێستادا ٣٣ هەزار دیناره، به‌ڵام بۆ مامۆستایان لە رێگای هەبوونی پشتگیری لەلایەن ریکخراوەکەمانەوە تەنها بە ١١ هەزار و دوسەدو پەنجا دینار دەبن بە خاوەنی ئه‌م كارته‌، هەلگرانی ئەم کارتە سوودمەند دەبن لە داشکاندنی زۆر ناوازە لە زیاتر لە 1500 شوێن لە سەرتاسەری هەرێمی کوردستان. ماوه‌ته‌وه‌ بڵێین مامۆستا ئه‌حمه‌د گه‌رمیانی سه‌رۆكی یه‌كێتی مامۆستایانی كوردستان وه‌كو یه‌كه‌م مامۆستا بووه‌ خاوه‌نی كارتی ISIC تایبه‌ت به‌ مامۆستایان. په‌یجی یه‌كێتی مامۆستایانی كوردستان زانیاری زیاتر له‌باره‌ی شوێن و كاتی ده‌رهێنانی کارتی ISIC بۆ مامۆستایان بلاوده‌كاته‌وه‌.