ساخکرنا ٦٤ـەمین سالرۆژا دامەزراندنا ئێکەتییا مامۆستایێن کوردستانێ ل ئامێدیێ:

​ل ژێر درووشمێ خەبات و بەردەوامیێ، ل دەڤەردارییا ئامێدیێ ب رێورەسمەکێ شایستە یادییا ٦٤ ساڵیا دامەزراندنا ئێکەتییا مامۆستایێن کوردستانێ هاتە ساخکرن. د ڤێ رێورەسمێدا، کو ب ئامادەبوونا نوینەرێن پارت و لایەنێن سیاسی و دەڤەرێ هاتبوو سازکرن، جەخت ل سەر مێژوویا پڕ سەروەرییا ڤێ رێکخراوێ هاتە کرن.

​د دەسپێکا رێورەسمێدا، بەڕێز بهرام عریف یاسین، بەرپرسێ لقا ١٨ یا پارتی دیموکراتی کوردستان، پەیڤەک پێشکێشکر. د پەیڤا خوە دا ئاماژە ب رۆلێ گرنگ و مێژوویی یێ ئێکەتییا مامۆستایان کر د قۆناغێن جودا یێن بزاڤا رزگاریخوازییا گەلێ کورد دا. هەروەسا، پێگەیێ مامۆستایان وەک داکۆکەڕێ سەرەکی یێ پەروەردەکرنا نەوەیێن داهاتی و بەردەوامبوونا وان ل سەر خەباتا زانستی و نشتیمانی ب بلند نرخاند.

​ئەڤ یادە د دەمەکێ دایە کو ئێکەتییا مامۆستایێن کوردستانێ وەک چەترەکا مەزن، بۆ دەمێ زێدەتری شەش سەدەیانە بەرگریێ ژ مافێن پیشەیی یێن مامۆستایان دکەت و د هەمان دەمدا، رۆلەکێ کاریگەر د پێشخستنا پرۆسەیا پەروەردە و فێرکرنێ دا ل هەرێما کوردستانێ هەیە.