سەردان و بەسەرکردنەوەی سەرۆکی یەکێتی مامۆستایانی کوردستان بۆ دەزگای ڕوانگە بەمەبەستی پیرۆزبایی و گفتوگۆی هاوبەش لەسەر پڕۆسەی پەروەردە

سەرۆکی یەکێتی مامۆستایانی کوردستان سەردانی دەزگای ڕوانگە دەکات بەمەبەستی گەیاندنی پەیامی پیرۆزبایی بەبۆنەی دەست بەکاربوونی بەرێز شێخ حەسەن شێخ عەلائەدین وەکو بەرێوەبەری جێبەجێکاری دەزگای ڕوانگە.

بۆ ئەم مەبەستە ڕۆژی پێنجشەمە ڕێکەوتی 7_11_2024 مامۆستا احمد گەرمیانی سەرۆکی ی.م.ک وێرای گەیاندنی پەیامی پیرۆزبایی لە دیدارێکدا گفتوکۆیەکی کراوەی لەگەڵ بەرێوەبەری جێبەجێکاری دەزگای ڕوانگە ئەنجامدا لەپێناو خزمەت گەیاندن بە پڕۆسەی پەروەردە و مامۆستایان و قوتابیان و خوێندکاران، لەلایەن خۆشییەوە بەرێوەبەری دەزگای ڕوانگە سوپاسی یەکێتی مامۆستایانی کردو جەخت لەسەر پەیوەندی نێوان هەردوو لا کرایەوە. هەروەها ئامادەیی خۆیان دەربڕی بۆ هەر هاوکارییەکی مامۆستایان و ئەنجامدانی کاری هاوبەش لەپێناو خزمەتگەیاندن بە پڕۆسەی خوێندن و هاوکاری منداڵانی بەهرەمەند بکرێت بەهەماهەنگی لە نێوان دەزگای ڕوانگەو یەکێتی مامۆستایانی کوردستان.