کوردستان فاوندەیشن و دامەزراوەی ئاشتی جیهانی گفتوگۆیان دەربارەی هاوکاری لە بواری پەروەردە کرد

هەولێر، ٢٥-٩-٢٠٢٥ کوردستان فاوندەیشن کۆبوونەوەیەکی گرنگی لەگەڵ دکتۆر تۆنی دیڤاین، جێگری سەرۆکی بەشی پەروەردەی دامەزراوەی ئاشتی جیهانی، ئەنجامدا.

کۆبوونەوەکە بە ئامادەبوونی مامۆستا ئەحمەد گەرمیانی، سەرۆکی یەکێتی مامۆستایانی کوردستان، بەڕێوەچوو.

لەم دیدارەدا، دکتۆر تۆنی زانیاری تەواو و وردی وەرگرت دەربارەی کوردستان فاوندەیشن و کار و چالاکییە جۆراوجۆرەکانی، بە تایبەتی لە بواری پەروەردەدا.

دکتۆر تۆنی ئاماژەی کرد بە خاڵە هاوبەشەکانی نێوان دامەزراوەی ئاشتی جیهانی و کوردستان فاوندەیشن، و ئەوەی کە هەردوو دامەزراوەکە بۆ ئامانجێکی یەکگرتوو کاردەکەن، ئەویش دروستکردنی کاریگەریی ئەرێنی و بەردەوامە لەناو کۆمەڵگەدا.

ئەم کارە بە جەختکردنەوە لەسەر پەروەردە و پەرەپێدانی توانای گەنجان ئەنجام دەدرێت، لە ڕێگەی دیزاینکردن و جێبەجێکردنی پڕۆگرامەکانەوە.