سەردان و بەسەرکردنەوە

ڕۆژی سێشەممە ڕێکەوتی 10_12_2024 شاندێکی سکرتاریەتی یەکێتی مامۆستایانی کوردستان سەردانی بەرێوەبەرایەتی گشتی سەرپەرشتیاری و دڵنیایی جۆری لە وەزارەتی پەروەردە کرد بەمەبەستی تاوتوێ کردنی کۆمەڵی بابەتی پەیوەست بەپڕۆسەی سەرپەرشتیاریی و پڕۆژەی بریتیش کاونسڵ و چۆنیەتی راییکردنی کاروباری سەرپەرشتیاران و هەڵسەنگاندنی لیژنەکان و هەروەها گفتوگۆ کرا لەسەر هەماهەنگی نێوان هەردوولا.

لەلایەکی دیکەوە شاندی یەکێتی مامۆستایانی کوردستان سەردانی بەڕێوەبەرایەتی ڕێنماییکارانی پەروەردەیی لە وەزارەتی پەروەردەیان کردو لە دانیشتنێکدا گفتوگۆ کرا لەسەر کاری رێنماییکاران و چۆنیەتی ڕاپەراندنی کاروبارەکانیان.